Jerita Empaling.

Nyau kerebak tawas diak Empaling tumu dani laban ka nurun ke pasar ngau entua Empangup laban ka ngambi bala ribai melancong agai rumah panjai sida ia laban kemari bisi opis pemadah penemuai sida ribai gai sida ia kia.Agi menya gik orang kitai agi berkena ke enjin sepit patah pin bmoto ngna perau.Nyadi pagi nya nurun seduai ia ke pasar.Empangup alu bjako madah ke menantu ia ke ngeluan perau tadi.

Empangup : Nti meda kayu negi madah igat au..

Empaling : Au apai.Ukai nya pedis bjako madah.Ukai nya dbayar leka jako nya.

Nama deh udah nyetat motor sepit tadi alu mupuk meh seduai ia ke pasar kin.Atai ba sungai ke besai tadi alu mudik kili seduai laban pasar ba dili din.Lebuh ba rantau...

Empaling : Apaiiii..opssss..bisi kayu nya apai..Angkat moto sepit dik nya.

Empangup : Au igat.Pia meh igat,anang enda madah nti bisi meda kayu.Pin moto tua tadi mina sitik dak bedau ba aku dito.Nti bisi meda kayu negi madah ja ngena jari sepiak ni kayu aku alu melok ke perau tua spiak nadai kayu negi.Bisi kayu alu tempap ja perau tauka reraoh ja mdah bisi kayu.

Empangup lalu jampat jampat ngangkat ke  moto sepit tadi takut kaki moto nyau patah pin ti pila moto mantap kayu.Ti pila moto patah pin pila ia mina bjalai free aja.Nyau kira seminit dahnya baka nya baru ga tudah Empaling madah ke entua ia madah bisi kayu.Jari ia madah bisi kayu sepiak  alu melok ke sepiak nadai kayu ga perau dbai Empangup.Meda entua ia nitih ke signal jari ia,tak majak meh Empaling nunjuk kin kia bisi kayu ngujung ke pjalai perau seduai ia baka ular ngerayap kin kia baka pjalai orang mabuk.Udahnya Empaling nempap luan perau ga.Alu dangkat ke Empangup ga moto sepit ia tadi.Kira bisi lima minit dahnya kenya baru ga tudah Empaling madah ke entua ia tadi.Nyau majak semajak ia madah bisi kayu belama ngujung tudah Empangup nyau lelak melok ke pjalai perau ngau ngangkat ke moto sepit nya tadi..

Empangup : Igat,nama dik madah bisi kayu belama?ai sungai to nda ga bisi bah ukai bisi apat pen dpeda aku.

Empaling : Bisi kayu deh apai nda meda dik kayu nyin ba tengah nyin,seberai nyin ayas kayu dpeda,ba dito pen bisi dahan(dan) kayu.Nyin kayu nya pen kayu,seberai to pen bisi kayu meh apai.(jari Empaling nunjuk ke kayu seberai nyin,kayu anyut ba tengah ai sungai ukai pansa perau seduai ia,nunjuk kayu ti bediri ba tebing pansa seduai meh ia)

Empangup : Choiiiii..mapap dik nya Empaling!!Nya ukai kayu mansa baruh perau tua nemu dik bangka!Ti kayu mansa perau tua dik madah bisi kayu nemu dik!??nemu reti kayu mansa baruh perau dik bangka!KAYU nemu reti Kayu dik???

Empaling : Ka amai apai to ngumbai ku bangka.Dik ke deriba motor sepit nya ukai aku.

Empangup :Ga anang bangka.Nti bisi kayu mansa baruh perau tua negi madah ke aku nemu dik.

Bisi 20 minit dahnya,motor sepit tudah Empangup alu engkanjung nyeraoh mantap kayu.Diak Empangup nyau mehak bjako.

Empangup : Tak naka naka meh dik Empaling Empaling.Nama meh dik enda madah bisi KAYU mansa baruh perau tua tadi mapap???Palik dik motor to ndai pin agi.Nemu dik mapap!

Empaling : Chess..tadi apai madah kayu mansa baruh perau ukai madah bisi tugak kayu dalam ai din.Kayu ti mansa ko apai tadi ukai tugak kayu ba dalam ai din.

Empangup : Dehhh apaiiiii...kayu meh nya tadi Empaling.ka tugak ka kayu mansa sama aja reti ia KAYU KAYU KAYU nemu dik.Asal utai meri  pila pin patah nya kayu nemu dik mapap!!!!

Empaling : Nti ikan enseluai mansa ulih meh matah ke pin motor nya apai.Ukai kayu aja.

Empangup :Nyamai gik ngandal ke mata aku empu meda pjalai perau to.Nda ulih arap ia ke mapap to!

Udah nukar pin ke baru diak Empangup nyetat baru moto ia alu mupuk baru seduai ka mudik ke pasar kin.Kira bisi 10 minit laban Empaling ringat kumbai entua ia mapap diak ia muai kayu sengayuh ba luan perau seduai ia lebuh Empangup malik ke belakang meda moto ia bjalai.Lebuh sengayuh nya mansa perau ka datai ba belakang.

Empaling : Apai apai apai..bisi kayu mansa perau tua nya..

Laban ngai pecaya ke jako menantu ia agi Empangup lelenguk meda ke luan aja.Sekali pammmmm munyi moto ia mantap sengayuh ke danyut Empaling tadi.

Empangup : Deh apaiii Deh indai..sayau meh moto sepit aku ngmalat nya mantap kayu.Ambis meh pin moto laban to.Nama meh dik Empaling laun madah bisi kayu mansa..ahkaiii mapap udu meh dik nya..

Empaling : Ukai aku mapap,apai ke bangka,ku madah bisi kayu dik malik ke luan aja laban nda ninga jako aku tadi.

Empangup ngaru pala aja laban nemu pemangka mnantu diri bakanya.Ka pen nda bkayuh aja meh seduai ke pasar..hahahaha...

Jerita Suba Suba

Maia taun 1980 ba menua Sarikei.

Orang tuai ti baru masuk pasar ka meli barang ba kdai cina.Maia nya ia bjalai mansa kedai cina.Meda ia baka baru tama ke pasar dia tauke kdai cina reraoh ngangau ke ia.

Tauke kdai : Ooo apai..kito dik apai makai.Ba aku dito dik makai apai.Semua lauk bisi magang.Tama apai makai dito dik.Ngalu makai kito dik apai.Nyamai lauk dsumai bini aku.(narit jari orang tuai tama ke kdai makai ia)..duduk apai ba bangku dito.

Orang Tuai: Au tauke.Manah mai dik ngau aku.

Tauke Kdai:Kitai biak patut bebasa ke orang tuai btul neh apai?Nama ka pakai dik apai?ai irup dik nama apai?

Orang Tuai : Sida madah kemari nyamai mai mee goreng dgaga kitak cina ko ia tauke.Nyadi ku minta mee goreng 3 pingai ai milo bisi batu pengaruh melepo 2 iti glas.

Tauke Kdai : Au apai.Nama reti ai milo bisi batu pengaruh melepo nya apai?

Orang Tuai : Endai tauke bisi batu nya nemu ancur nyadi ai nya meh ko aku tadi.

Tauke Kdai :???? Batu ais ko dik nya apai.Nganti dulu apai bini ku bnung pandok mee goreng ba dapur din.

Kira ka setengah jam diak mansau meh mee goreng dpesan orang tuai td.Nyadi alu makai meh orang tuai naka pengenyang alu nyau ambis batu ais dkekah orang tuai td laban engai ngayah utai dempa meh nya.Udah knyang alu angkat meh orang tuai tadi kdai makai.Meda kenya alu jampat jampat ngelawa ngagai orang tuai tadi alu ia bjako.

Tauke Kdai : Apai dik empai bayar mee goreng engau milo ais dpakai dik tadi.To rega ia 7 ringit aja.

Orang Tuai : Nti ba rumah panjai nadai dbayar kami enti orang ngepai,narit jari seta ngalu penatai kami gai bilik ia tauke.Laban nya sigi enda dbayar tang ku kdiato dpinta dik mayar utai dpakai aku.Rangka amai dik to tauke,nadai aku kala dasuh bebayar enti orang ngemai makai agai bilik sida ia.Nadai kala meda nadai ninga to baru ia dgaga orang baka to.Engai aku mayar ukai salah aku enti aku nemu engai ku tama tadi.Ka mutah utai dempa engai nyadi laban udh tama dalam perut din.

Tauke kdai alu rerangap alu nyesal ngaga ulah bakanya laban ia nemu pengawa bakanya di salah erti orang.Setat ari sampai kdiato kitai nda kala meda orang cina bekedai makai ngepai kenya agi ti ba pasar pasar mit sereta ba bandar besai takut dsalah erti ke orang..Pgila ku nusi pejalai orang tuai to bebeli ke barang au..